Умацаванне ўсебаковага супрацоўніцтва паміж Рэспублікай Беларусь і Кітайскай Народнай Рэспублікай знаходзіць сваё адлюстраванне ў новых адукацыйных ініцыятывах. Яскравым прыкладам гэтага стала заключэнне пагаднення аб супрацоўніцтве паміж Брэсцкім дзяржаўным тэхнічным універсітэтам і Яньбяньскім універсітэтам.

Яньбяньский універсітэт, з'яўляецца адным з вядучых навукова-адукацыйных цэнтраў Паўночна-Усходняга Кітая, пацвердзіў свой высокі статус удзелам у ключавых нацыянальных праектах. Універсітэт з'яўляецца ўдзельнікам Дзяржаўнай праграмы «Праект 211» і «Падвойная першакласная ініцыятыва» (Double First-Class University Plan), што сведчыць аб яго значным патэнцыяле. У партнёрскім ВНУ ажыццяўляецца падрыхтоўка высокакваліфікаваных спецыялістаў па шырокаму спектру напрамкаў, уключаючы інфармацыйныя тэхналогіі, архітэктуру і будаўніцтва, аўтаматызацыю і машынабудаванне, што стварае трывалую аснову для сінэргіі з БрДТУ.

Цырымонія падпісання Пагаднення адбылася ў рамках візіту дэлегацыі Яньбяньскага ўніверсітэта ў Брэст. Перамовы, якія правёў рэктар БрДТУ Андрэй Мікалаевіч Парфіевіч, прайшлі ў канструктыўным ключы. Да дыялогу ў анлайн-фармаце далучыўся выканаўчы прарэктар кітайскай ВНУ Сунь Цзюньці, што падкрэсліла высокі ўзровень зацікаўленасці абодвух бакоў у развіцці партнёрства.

Падпісаны дакумент закладвае падмурак для доўгатэрміновага і плённага ўзаемадзеяння. Пагадненне прадугледжвае рэалізацыю сумесных праектаў у некалькіх ключавых галінах:

• Падрыхтоўка інжынерных кадраў: развіццё акадэмічнай мабільнасці студэнтаў і выкладчыкаў, а таксама сумесныя адукацыйныя праграмы.
• Навуковыя даследаванні: правядзенне сумесных фундаментальных і прыкладных даследаванняў для вырашэння актуальных навукова-тэхнічных задач.
• Інавацыйная дзейнасць: распрацоўка і камерцыялізацыя інавацыйнай навукаёмістай прадукцыі.

Гэта партнёрства адкрывае новыя гарызонты для акадэмічнай супольнасці БрДТУ, спрыяючы інтэграцыі ўніверсітэта ў міжнародную адукацыйную прастору і ўмацаванню пазіцый на сусветнай арэне.